მომსახურების პირობები

მქირავებლებისთვის

Trent.ge წარმოადგენს პლატფორმას, სადაც განთავსებულია როგორც კომპანიის, ასევე დამოუკიდებელი პარტნიორი გამქირავებლების ავტომობილები. პლატფორმის მეშვეობით განხორციელებული დაჯავშნისა და გაქირავების შემთხვევაში, Trent.ge პარტნიორი გამქირავებლისგან იღებს მომსახურების საკომისიოს, რომელიც შეადგენს ავტომობილის გაქირავების ღირებულების 15%-ს.

აღნიშნული საკომისიო უკვე გათვალისწინებულია ვებგვერდზე გამოქვეყნებულ ფასებში და არ წარმოადგენს დამატებით გადასახადს მომხმარებლისთვის.

გამქირავებლებისთვის

Trent.ge-ის პლატფორმაზე ავტომობილის განთავსებით, პარტნიორი ადასტურებს, რომ ყოველი წარმატებით დასრულებული გაქირავების შემთხვევაში კომპანია უფლებამოსილია მიიღოს საკომისიო, რომელიც შეადგენს გაქირავების საერთო ღირებულების 15%-ს.

საკომისიო მოიცავს ავტომობილის რეკლამირებას, ონლაინ დაჯავშნის სისტემის გამოყენებას, მომხმარებელთა მომსახურებას, მარკეტინგულ აქტივობებსა და პლატფორმის ტექნიკურ მხარდაჭერას.

პარტნიორს გადაეცემა გაქირავების თანხის 85%, ხოლო 15% წარმოადგენს Trent.ge-ის საკომისიოს.

გადაცემისას:

• მოწმდება მძღოლის პირადობა და მართვის მოწმობა
• ფიქსირდება მანქანის მდგომარეობა ფოტო/ვიდეო გადაღებით
• ფიქსირდება საწვავის დონე და გარბენის საწყისი მაჩვენებელი
• გადაეცემა გასაღები და საბუთები

დაბრუნებისას:

• მანქანა უბრუნდება იმავე საწვავის დონით, რაც გადაცემისას იყო (საწინააღმდეგო შემთხვევაში დაირიცხება საწვავის ღირებულება)
• ხდება მდგომარეობის ხელახალი შემოწმება და შედარება საწყის ფოტო/ვიდეო მასალასთან
• დაზიანების აღმოჩენის შემთხვევაში დგება ოქმი, ზიანის ღირებულება განისაზღვრება დეპოზიტიდან ან დამატებითი ანაზღაურებით
• დაგვიანებული დაბრუნებისთვის ირიცხება საათობრივი/დღიური საკომისიო